| | |

Dorothee Lubecki lætur af störfum hjá Atvinnuþróunarfélagi Vestfjarða

Dorothee Lubecki (Dóra) hefur ákveðið að segja starfi sínu lausu hjá Atvinnuþróunarfélagi Vestfjarða eftir 10 ára starf, eða allt frá upphafi starfsemi félagsins. Meginverkefni hennar hafa tengst ferðamálum og uppbyggingu ferðaþjónustu, nú síðast sem klasastjóri í ferðaþjónustu og menningarklasa Vaxtarsamnings Vestfjarða. Hún hefur einnig stýrt tveim Evrópuverkefnum hjá félaginu auk þess að halda utanum verkefni er tengjast atvinnumálum kvenna.

Dóru eru þökkuð hennar störf hjá félaginu sem unnin hafa verið af dugnaði og ósérhlífni og óskar henni velfarnaðar í nýju starfi sem Menningarfulltrúi Suðurlands. Hún lætur af störfum hjá félaginu um miðjan september n.k..